أبريل 4th, 2008
كتبها د. أحمد مراد
نشر في , كوميدي,
,
تعريفات 2008
الانتـــقام
أن تعض ( كلبا )!! .. لأنه عضــك !!!
رفع الأثقــال
( يمارسها) الأقوياء في الملعب !!
( ويتمرس) عليها الفقراء في الحياة !!!
الاقتصــــاد
تحرم نفسك من ( الضروريات) !!
حتى يستمتع ورثتك بـ ( الكماليات )!!!
الهديـــــة
عملية لجس نبض ( الذمة )!!!
الحمـــــار
(حيوان كريم!)
يعطي اسمه وصفاته
لـ ( بعض الناس بدون مقابل ) !!!
النفـــــاق
أداة من أدوات ( النصب )
!! … لا يعترف بها أهل ( اللغة ) !!!
المقهى
مكان يجتمع فيه صديقين .. ليغتابا صديق ثالث !!!
القامــــوس
وضعه ( العلماء ) ليعتمد عليه ( الجهلاء ) ويبقوا على جهلهم !!!
المحفظــــة
بطاقة تعارف يدل ( حجمها ) على حجم ( صاحبها ) !!!
المزيد
يناير 28th, 2008
كتبها د. أحمد مراد
نشر في , كوميدي,
,
قصة الأميرة والشرير
بعد أن خطف الشرير الأميرة وأخذها إلى قصره
في أعلى الجبل , ذهب البطل لإنقاذها ووصل
إلى الشرير وبدأ بقتاله
وفجأة قالت الأميرة : توقفوا قليلاَ , وسألت
البطل: هل لديك قصر لأسكن فيه؟؟
قال البطل: لا. قالت: هل لديك أموال لتصرف علي؟
قال: لا. قالت: إذاَ لماذا أتيت ؟؟؟
قال: لأنقذك و أصبح أميرا.
قالت: إذا أنت داخل على طمع يا روح خالتك.
ثم هجمت الأميرة على البطل وأنقذت الشرير
من بين يديه وعاشت هي والشرير في سعادة وهناء
قصة ذات الرداء الأحمر والذئب
عندما شاهدت ذات الرداء الأحمر الذئب في الغابة دلته على
بيت جدتها واتفقت معه على تسليك جدتها كي ترثها.
وتعطيه نسبته من العملية
.قصة علي بابا والأربعين حرامي
بعد نقاش طويل واجتماعات ومباحثات بين علي
بابا والأربعين حرامي اقتنع علي بابا بهم
وصارت قصة الواحد والأربعين حرامي
الأميرة والأقزام السبعة
بعد أن أرسلت خالتها زوجة أبيها الصياد ليقتل
سنو هوايت ولم يقتلها.
سألت المرآة: من أجمل إمرأة في البلاد ؟؟
قالت المرآة: سنو هوايت . فذهبت إلى أخصائي
تجميل وبعد عدة عمليات تجميل ونفخ عادت خالتها
زوجة أبيها إلى المرآة وسألتها: من أجمل
إمرأة في البلاد؟؟
فقالت المرآة: أن
المزيد
ديسمبر 26th, 2007
كتبها د. أحمد مراد
نشر في , كوميدي,
,
أنا طبخت رز
بقلم أشرف توفيق
أيون.. أقر أنا المذكور أعلاه.. الساكن في العنوان اياه (حدايق المعادي) بأنني بحمد الله وتوفيقه وكرمه ثم بدعاء الوالدين ثم بالفلوس اللي فضلت معايا.. طبخت رز بنفسي.. وعلى المتضرر اللجوء لصاحب العمارة!!!
أكيد اللي عارفني قاعد يبص على الاسم كام مرة ويتأكد.. أيوه يا عم أنا.. واللي مش عارفني بيقول وإيه يعني لمّا يطبخ رز؟؟
أصل العبد لله اللي هو أنا ممنوع عني حاجتين: السجاير عشان حق ربنا.. والطبيخ عشان حق الجار!!
قاعد لوحدي في شقتي (3 أوض وصالة وحمام ومطبخ وشِرحة وبِرحة ويرمح فيها الخيل).. وزهقت بقى كل يوم أجيب أكل ديليفري (اصل أنا طول عمري كريم واللي ف جيبي مش ليّ).. قلت أغيّر بقى وأطبخ رز وخلاص.. واللي يحصل يحصل.. وعشان تعرفوا ليه أنا حاسس إني عملت "إنجاز" لما طبخت رز.. هاقول لكم أول مرة لما حبيت أطبخ..
كنت رايح اتغدى في شقتي القديمة.. وقدامي خيرات ربنا بقى.. والحاجات كلها أنا طابخها بإيدي طبعا.. اللانشون والجبنة الرومي والعسل والمربى.. كل ده أنا طابخه بإيدي يعني.. هو إيه الطبخ غير إني أحط الحاجات في أطباق؟؟
المهم.. قلت لنفسي يلاّ نعمل مغامرة ونطبخ بيض.. نعم؟؟؟ بيض؟؟؟؟ أيوه يا عم بيض.. أنتم فاكرين البيض سهل.. أنتم مثقفين؟؟؟ أنتم مش مثقفين..وقلت كمان هاعمله مقلي.. أيوه.. ثقة بقى.. مش أنا اللي أحط البيض في الميّة يطلع مسلوق!! لازم النفََس في الطبيخ!!
جبت طبق وحطيته على البوتجاز وفضلت أخبط في البيضة إنها تتكسر.. أبدا.. لغاية ما رزعتها في البوتجاز ونفس الحالة مع البيضة التانية.. حطيت البيض في الطبق اللي ع البوتجاز.
شوية بقى "خير اللهم اجعله خير" لقيت فيه دخان كتير.. قلت يا واد يا "أشرف" ينفع كده؟؟ تنسى الزيت؟؟ لازم تحط زيت.. جبت إزازة الزيت وحطيت شوية
المزيد
ديسمبر 15th, 2007
كتبها د. أحمد مراد
نشر في , كوميدي,
,
ديسمبر 8th, 2007
كتبها د. أحمد مراد
نشر في , كوميدي,
,
مجلس الكوميديا
*******
أدينا بنسلي نفسنا على ما الهبابة الجلسة دي تخلص
*****
طب والله اللب ما عليه ملح
*****
قال إيه يا نظيف يا خويا .. اديني بس الأول حباية لب كده من جنبك
****
يعني لازم تتزنقي في سناني دلوقتي ؟؟
*****
هيء هيء هيء .. بطل بقة يا عز هيشوفونا
*****
أنا ماليش دعوة بحاجة
المزيد
ديسمبر 5th, 2007
كتبها د. أحمد مراد
نشر في , كوميدي,
,
بريشة طبيب الأسنان الفنان
شريف عرفة
دكتور في امتياز
طبيب اسنان
نقل الاعضاء
ميدان طلعت حرب
كورة
خلينا أخوات
بنات أخر زمن
البطالة
وظيفة حلوة
المزيد
نوفمبر 25th, 2007
كتبها د. أحمد مراد
نشر في , كوميدي,
,
لـــغة البنــات
هذه كلمات مترجمة للغة البنات التي لا يفهمها إلا من جربها
نعم = لا
لا = نعم
ممكن = إستحالة
أنا آسفة = سامحنى على إللي هيحصل
أنا محتاجة موبيل جديد = هاتلي موبيل وإلا 000
القرار قرارك يا حبيبى = ورّينى كده هتعمل إيه ؟؟ وإبقى شوف
إعمل إلّي إنت عاوزه يا حبيبى = هتدفع الثمن غاااااالي
عاوزين نتناقش فى موضوع = عاوزة بس أعرفك أنا هعمل إيه
لا عادي أنا مش زعلانة = وحياة أمك لتشوف
إنت زى القمر النهاردة = إيه القرف ده ؟؟ يا شيخ روح إحلق دقنك
خليك رومانسي واطفي النور = نام بقى واتخمد زهقتني
أنا عاوزة شوية عفش فى البيت = أنا هغير عفش البيت كله
أنا باسمع صوت مزعج وأنا نايمة = إنت بتشخر وانت نايم يا لوووح
إنت بتحبني قد إيه يا حبيبى = أنا عملت مصيبة سوده النهاردة
أنا هاكون جاهزة فى دقيقة يا حياتي
المزيد
نوفمبر 25th, 2007
كتبها د. أحمد مراد
نشر في , كوميدي,
,
شُفت الواد "التوك توك" ؟؟
محمد هشام عبيه
"إنها الحرب إذن"!
هكذا يقولها –الآن- بعلو الصوت عدد كبير من المسئولين في الدولة، ملوحين بكل أنواع التهديد والوعيد، مدججين بكل أنواع السلطة والقوة والبطش، مستندين إلى جيش عرمرم -أيوه عرمرم!- من رجال الشرطة "واقفين ع الندهة"، منتظرين إشارة البدء "هجوووووووووم الموت للخونة!".
اللطيف في الأمر أن هذه المعركة حامية الوطيس -أيوه الوطيس!- والتي تذكرك بحرب طروادة حتى يخيل لك أنك ستشاهد "أوديسيوس" أحد قادة الحرب الإغريقية الشهيرة وقد نزل إلى ميدان التحرير على صهوة جواد "أدهم" حلو كده، شاهرا سيفه -أوديسيوس" مش "أدهم"!-، لم تكن في سبيل القبض على المتهربين من العدالة، أو الذين لهفوا فلوسا من البنوك ثم فلسعوا على بلاد بره، ولم تكن من أجل ملاحقة مزوري الانتخابات وآكلي قوت الناس وبياعين الوطن بالحتة، ولم تكن من أجل رفع مستوى معيشة المواطنين أو مقاومة البطالة أو حتى توصيل مياه الشرب النقية أو مواسير الصرف -ولا مؤاخذة- الصحي إلى حمامات عدد كبير من المصريين، لم تكن الحرب من أجل هذا أو ذاك وإنما -بعيد عنك ويكفيك شر الطريق -كانت من أجل وسيلة مواصلات هندية فقيرة -كحالنا- غلبانة -كمعظمنا- مصابة بسوء تغذية -ككل أطفال مصر- فلم ينمُ لها إلا ثلاث عجلات فقط، فكانت كالذي رقص على السلم فلم تطل أن تصبح "موتوسيكلا" محترما بعجلتين أو سيارة بنت ناس بأربع عجلات، فلما احتاروا في تسميتها وهي بخلقتها الغريبة تلك أطلقوا عليها هذا الاسم الذي يلاحقها كحكم محكمة مشمول بالنفاذ.. "توك توك"!
أما لماذا الحرب الآن -فيه فيلم فلسطيني اسمه "الجنة الآن" حلو قوي ابقى اتفرج عليه!- فلأن أصحاب المقام العالي محافظي القاهرة والجيزة ومعهما لفيف من المسئولين صغارا وكبارا اكتشفوا فجأة -أي والله فجأة كما حدث لـ"نيوتن" لما وقعت فوق نافوخه التفاحة إياها فتوصل إلى قانون الجاذبية- أن "التوك توك" وسيلة مواصلات غير آمنة لأنها بدون أبواب!- قال يعني اللي بيركبوا متشعبطين في أتوبيس 26 وواقفين على السلم نصهم التحتاني -ولا مؤاخذة- بره ونصهم الفوقاني جوه عايشين في أمان!- وأنه –أي التوك توك- أصبح كالنتوء البارز في جسد الطرق المصرية -اللي إنت عارف حالها طبعا- فأصبح يشوهها، كما أنه -أي التوك توك برضه واحنا ورانا غيره- يقوده أطفال صغار ومسجلون خطر فيتسبب الفريق الأول في حوادث خطيرة ويقوم الفريق الثاني بعمليات إ
المزيد
نوفمبر 24th, 2007
كتبها د. أحمد مراد
نشر في , كوميدي,
,
اضحك مع المرور
خاص لمحترفي قيادة السيارات
المزيد
نوفمبر 24th, 2007
كتبها د. أحمد مراد
نشر في , كوميدي,
,
احنا الشجر والزغاليل
دعاء سمير
تحضر "لمياء" وهي حاملة صينية الشاي.. الصينية شيك ورقيقة.. شكلها يفرح.. عليها براد الشاي الصيني وفنجانين وقطعتين "تشيز كيك" عملتها بيديها.. واحدة صغيرة لها، وواحدة كبيرة لحبيب قلبها "أحمد".. الذي كان يشاهد برنامج (البيت بيتك) بالتحديد فقرة "محمود سعد"…
جلست بجانبه وبلمسة ناعمة من يدها نبهته لوجودها.. وباليد الأخرى ناولته الشاي والكيك وفوقهم بوسة. انتظرت ليلتفت لها أو أي حاجة.. لكنه لم يفعل ولا هو هنا أصلاً. مع أنها المسكينة كانت منتظراه يفضى لها شوية من 4 ساعات فاتوا. كان فيه ماتش… وقبل الماتش يوجد تحليل وتوقعات يديرها مذيع بلاستيك صوته مزعج مع كباتن ولعيبة خبرة.. ثم الشوط الأول وتحليل الشوط الأول.. ثم الشوط الثاني وتحليل الشوط الثاني على خلفية الماتشات السابقة منذ أن افتتحت البطولة. وتوقعاتهم للماتش القادم.. ظلت منتظرة ومستحملة كل هذا لوقت لتأكل معه "التشيز كيك" ويحكوا مع بعض..
لم تجد بدا من أنها تبدأ هي تكلمه… وبدأت……
……
……………….
معايا يا "أحمد"؟؟
ويهزّ أحمد رأسه بأنه آه معها..
………………….
………………………………… على فكرة النقاط معناها تتكلم معه!
……………………..
………………………..
…………………………………….
إنت واخد بالك أنا باقول ايه يا حبيبي؟!
يرد عليها بسرعة وهو يخطف الكلمة من لسانه: أيوه أيوه…
طيب، إنت رأيك إيه؟؟
وتكون الكارثة لما يقول لها: رأيي في إيه؟؟؟؟
يعني أنا عمالة أتكلم وإنت ولا إنت هنا؟! مش كفاية مش قلت لي حتى تسلم إيدك وكلت التشيز كيك ولا كأنها ساندوتش جبنة!! مش حرام عليك؟ إنت بتعمل فيّ كده ليه؟؟ يعني مفيش أي تقدير ولا أي………. ويحدث الانفجار
بينما الباشمهندس "أحمد" محتاس وواقع في حيص بيص ولا يعرف ما اقترفه ليكون رد فعلها على هذا النحو.
إحباط يقصر العمر.. مش كده برضه؟!
أبداً لو عرفنا أن هذا الموقف وغيره كثير يحدث دائماً… وسيحدث. ولكي نفهم –احنا الزغاليل- ما وراءه فتحوا لي قلبكن وعقولكن..
وهو خط مترو بمحطات
قلنا من قبل أن تفكير الرجل يختلف عن تفكير البنت.. فتفكير البنت مثل الشجرة.. متفرعة وكل غصن طالع منه كذا فرع وكل فرع طالع منه كذا ورقة. ممكن وهي تذاكر تسمع موسيقى، وتكتب رسالة لصاحبتها على الموبايل، وفي نفس الوقت تكون منتبهة لغلاية اللبن حتى لا يفور.. ومفيش مانع لو وهي واقفة سمعت أطراف حديث أخواتها في الريسبشن! لكن الرجل عكسها تماماً يعني كل حاجة لوحدها وتأخذ طريقها براحتها ولها وقتها مثل المترو يمشي من محطة لمحطة في توقيت معين ولا يتوقف في نصف الطريق ليقوم بشيء آخر حتى لو كان إنه يفتح أبوابه لراكب فاتته المحطة!!
طبعاً هذا لا يعني إنه مستحيل يعمل كذا حاجة مع بعض لأن صعب أن نقوم بما تطلبه منا الحياة بالتقسيط وقطاعي بهذا الشكل المتعسف. لكنها الأعمال الروتينية العادية التي يؤديها أتوماتيكي بدون تركيز شديد.. لكن لو كان يلعب "فيفا" أو يشاهد ماتش و"فيفي" صاحبتك مضايقاكِ وتريدين أن تفضفضي له، يبقى بلااااااااااااااش.. انتظري إلى أن ينتهي الماتش ويدوس
Back to Windows
ويقوم من على الكمبيوتر أو من أمام التليفزيون. وإن لم تفعلي فتأكدي إنك اخترت تكلمي نفسك وتضيعي وقتك..
حاجة تحرق الدم.. مش كده برضه؟!
بس هم كده!!
ومن كلمة "هم كده" نقدر نعرف خلاصنا. يعني.. لو كل واحدة وضعت في اعتبارها إن تصرف حبيبها وشريكها ليس نابعاً من إهماله لها، أو عدم حبه، أو تطنيش، أو عدم تقدير لما تفعله، ولو انتبهت إلى أنه لا يفعل ذلك… هو لا يفعل على الإطلاق سترتاح.
تاني.. يعني إيه الكلام ده؟؟
يعني علينا نحن الزغاليل ألا نأخذ تصرفاته على محمل شخصي. ونكون متأكدات أن تلك هي طبيعته يعني أفعاله تخرج طبيعية منه ولا يقصدها على الإطلاق. ولكي تتقبل الواحدة منا طريقة تفكير الرجل الخطية، لازم نهيئ أنفسنا لتغيير أسلوبنا في التعامل معه من وجهة نظرنا الخاصة بنا. يعني لا أحاسبه على شيء غير موجود في طبيعته. يعني تخيلي إنك اشتريت جهاز موبايل نوكيا 6030 وكل شكواكِ منه إنه لا يصور! لو وضعت في اعتبارك أنه لا توجد به كاميرا من الأصل، فلن يضايقك أنه لا يصور، ولن تشتكي منه وستحبينه كما هو.
المزيد
